दुधात भेसळ करणाऱ्या टोळीचा पर्दाफाश. अन्न व औषध प्रशासन व पुणे ग्रामीण पोलिसांची संयुक्त कारवाई

मंचर प्रतिनिधी

अन्न व औषध प्रशासन (एफडीए) आणि पुणे ग्रामीण पोलिसांनी संयुक्तपणे केलेल्या धडक कारवाईत दुधात भेसळ करून त्याची विक्री करणाऱ्या टोळीचा पर्दाफाश केला आहे. या कारवाईत बनावट दूध तयार करण्यासाठी वापरण्यात येणारे साहित्य, रासायनिक पदार्थ तसेच मोठ्या प्रमाणात संशयित दूध जप्त करण्यात आले असून, या प्रकरणी संबंधितांविरुद्ध मंचर पोलीस ठाण्यात गुन्हा दाखल करण्यात आला आहे.

अन्न व औषध प्रशासनाला दुधात भेसळ होत असल्याची गोपनीय माहिती मिळाल्यानंतर पुणे ग्रामीण पोलिसांच्या मदतीने संबंधित ठिकाणी छापा टाकण्यात आला. कारवाईदरम्यान बनावट दूध तयार करण्यासाठी वापरण्यात येणारे विविध रासायनिक पदार्थ, पावडर, यंत्रसामग्री आणि इतर साहित्य जप्त करण्यात आले. जप्त करण्यात आलेल्या दुधाचे व इतर पदार्थांचे नमुने तपासणीसाठी प्रयोगशाळेत पाठविण्यात आले आहेत.

प्राथमिक तपासात रसायनांच्या साहाय्याने दुधासारखा द्रव तयार करून तो परिसरातील ग्राहक तसेच व्यावसायिकांना विक्रीसाठी पुरविला जात असल्याचा संशय व्यक्त करण्यात आला आहे. या भेसळयुक्त दुधामुळे नागरिकांच्या आरोग्याला गंभीर धोका निर्माण होण्याची शक्यता असून, अन्न व औषध प्रशासनाने या प्रकरणाची गांभीर्याने दखल घेतली आहे.

या प्रकरणी अन्न सुरक्षा व मानके कायद्यासह इतर संबंधित कायद्यांनुसार मंचर पोलीस ठाण्यात गुन्हा दाखल करण्यात आला असून, या रॅकेटमध्ये आणखी कोणाचा सहभाग आहे का, याचा तपास पोलिसांकडून सुरू आहे. हे बनावट दूध कोणकोणत्या भागात विकले जात होते, त्याचे जाळे किती मोठे आहे आणि या व्यवसायामागील प्रमुख सूत्रधार कोण आहेत, याचाही शोध घेतला जात आहे.

दरम्यान, अन्न व औषध प्रशासनाने नागरिकांना दूध आणि दुग्धजन्य पदार्थ खरेदी करताना अधिकृत व विश्वासार्ह विक्रेत्यांकडूनच खरेदी करण्याचे आवाहन केले आहे. दुधाच्या गुणवत्तेबाबत संशय आल्यास त्वरित अन्न व औषध प्रशासन किंवा पोलिसांना माहिती देण्याचे आवाहनही करण्यात आले आहे.

वरील प्रकरणात सर्व संशयितांची नावे समोर आली असून; काही आरोपींना ताब्यात घेण्यात पोलिसांना यश आले असून; इतर आरोपींचा शोध सुरू आहे. यातील १३ आरोपींवर मंचर पोलिस ठाण्यात गुन्हा दाखल करून; त्यांना घोडेगाव येथील न्यायालयात हजर केले असता; न्यायालयाने त्यांना ४ दिवसांची पोलीस कोठडी सुनावली आहे. 

1) सुशांत बबनराव हिंगे : मंचर
2) हेमंत टेके : अकलूज, सोलापूर
3) संदीप लोढा : मंचर
4) संजोग यादव : भिवंडी
5) चेतन भोर : जुन्नर
6) कैलास राळगे : शिरूर
7)कुणाल कुलवडे : जुन्नर
8) शुभम गिरावले : अहिल्यनगर
9) सचिन सपकाळ : सिलोड
10) वैभव हांडे : जुन्नर
11) शुभम वाळुंज : मंचर
12) अभिजित करंडे : राहुरी
13) रोशन दरेकर : अवसरी, मंचर
14) राजू सांडभोर : अवसरी, मंचर
16) प्रमोद घोरपडे : राहुरी
17) प्रमोद कडू : राहुरी
18) बापूराव गाडे : दौंड
19) सोनू घोरपडे : सोलापूर
20) विठ्ठल जाधव : पाबळ
21) अभिजित काटे : उरळी कांचन
22) अभिजित शेंडकर : माही, जळगाव
23) आकाश सावंत : जुन्नर
23) सतीश केजळे : पाबळ
24) मनोहर ढमाले : कडूस
25) ठकसेंस अरगडे : पिंपळगाव खडकी
26) राजू तांबडे : तांबडे मळा, मंचर 

या कारवाईमुळे ग्राहकांच्या आरोग्याशी खेळ करणाऱ्या भेसळखोरांविरोधात प्रशासनाने कठोर भूमिका घेतल्याचे स्पष्ट झाले असून, अशा प्रकारच्या कारवाया आगामी काळातही सुरू राहणार असल्याचे संबंधित अधिकाऱ्यांनी सांगितले.